Íþrótta- og Ólympíusamband Íslands og samstarfsaðilar óska öllum lífshlaupurum til hamingju með árangursríkt og ánægjulegt Lífshlaup.

Um leið og við þökkum fyrir frábæra þátttöku hvetjum alla til að halda áfram að hreyfa sig og nota vefinn til þess að halda utan um sína hreyfingu.

Við minnum á verðlaunaafhendinguna sem er á morgun, föstudaginn 24. febrúar kl: 12:10-13:00 í hátíðarsal KSÍ 4. hæð í Laugardalnum. Liðsstjórum er boðið að taka með sér 2-3 liðsmenn og þiggja léttar veitingar í boði Ávaxtabílsins. Vinsamlegast staðfestið mætingu á jona@isi.is fyrir kl. 16:30 í dag fimmtudaginn 23. febrúar.

Góð mæting var á verðlaunaafhendingu Lífshlaupsins sem fór fram í dag, föstudaginn 24. febrúar, í hátíðarsal KSÍ í Laugardal.

Ingibjörg Bergrós Jóhannesdóttir ávarpaði gesti og kynnt helstu niðurstöður og afhenti verðlaunin til sigurliða í vinnustaða- og grunnskólakeppni Lífshlaupsins ásamt Gunnlaugi Júlíussyni, en þau eiga bæði sæti í stjórn almenningsíþróttasviðs ÍSÍ. Ávaxtabílinn bauð upp á léttar og hollar veitingar.

Þeir skólar og vinnustaðir sem sáu sér ekki fært að mæta fá verðlaunaplattanna senda til sín eftir helgi.

Myndir frá verðlaunaafhendingunni verða aðgengilegar hér á vefnum eftir helgi.