Næstsíðasti dagur í vinnustaðakeppninni og vinningshafi í myndaleiknum

19.02.2018

Við minnum á að vinnustaðakeppnin lýkur á morgun og því um að gera að nýta næst síðasta keppnisdaginn vel til hreyfinga og skráninga.

Í dag var dregið í myndaleiknum og hinn heppni myndasmiður sem fær vinning að þessu sinni er Anna Sigríður Valdimarsdóttir í liðinu Rauðliðarnir hjá Landgræðslu ríkisins. Hlýtur hún í verðlaun gjafabréf fyrir tvo í ásamt leigðum skautum hjá Skautahöllinni í Laugardal. Anna Sigríður hefur deilt með okkur flottum útivistarmyndum á göngu með hundinum Jaka, frá gönguskíðatúrum og fallegum nátturúmyndum frá Suðurlandinu.

Þátttakendur hafa verið sérlega duglegir að deila með okkur myndum og frásögnum af sjálfum sér og sínum vinnustað. Heppnir myndasmiðir hafa verið dregnir út og enn er vinningur í pottinum þannig að ekki láta deigan síga í deilingum með #lifshlaupid eða í gegnum heimasíðuna eða Facebook.

Hægt er að skoða myndir Instagram-síðu Lífshlaupsins eða merktar Lífshlaupinu með #lifshlaupid eða #lífshlaupið . Einnig eru fjölmargar myndir hér á heimasíðunni.