Leiðbeiningar vegna innskráningar

Farið er í Mínar síður efst í horninu hægra megin á heimasíðunni. Ef þú átt notendanafn frá fyrri árum er hægt að nota það áfram með því að velja Innskráning – á aðgang. Ef þú manst ekki lykilorð eða notendanafn er hægt að bjarga því með því að velja Gleymt lykilorð eða hafa samband við lifshlaupid@isi.is. Ef þú átt ekki eldri aðgang er valið Nýskráning – einstaklingur og kerfið leiðir þig áfram í innskráningunni þar til nýr aðgangur er stofnaður.

Að skrá vinnustað


Athugið að ekki þarf að stofna vinnustað árlega. Vinnustaðir haldast inni í kerfinu á milli ára. Ef þinn vinnustaður er að taka þátt í fyrsta skipti er hægt að stofna vinnustaðinn með því að skrá sig inn fyrst á sinn aðgang. Þú ferð í „Mínar síður“ og velur þar „Liðin mín“. Þar velur þú hnappinn „Stofna vinnustað“ og kerfið leiðir þig svo áfram þar til búið er að stofna vinnustaðinn.

Að stofna lið

Þegar búið er að stofna vinnustað í kerfinu þarf að stofna lið. Það er gert með því að velja hnappinn „Liðin mín“ og svo „Stofna lið“. Kerfið leiðir þig áfram þar til búið er að stofna liðið. Vinnustaðir geta verið með eins mörg lið og hentar best á hverjum stað fyrir sig. Sá sem stofnar liðið verður sjálfkrafa „liðstjóri í því liði og hefur yfirsýn yfir hreyfingu allra þátttakenda í því liði.

Að ganga í lið

Þegar búið er að stofna lið innan vinnustaðarins er hægt að ganga í lið. Það gerir þú með því að skrá þig inn á þinn aðgang. Undir Mínar síður  á þinu notendanafni velur þú  Liðin mín og þar ýtir þú á hnappinn Ganga í lið. Þar er hægt að velja vinnustaðinn úr lista og svo velur þú það lið sem þú vilt ganga í á þínum vinnustað.
 
Að skrá skóla og nemendur í bekki

Farið er í Mínar síður efst í horninu hægra megin á heimasíðunni. Skráðir skólar halda sér á milli ára en skrá þarf alla bekki að nýju. Hægt er að skrá sig inn með notendanafni ársins á undan eða að velja Nýskráning – umsjónarmaður skóla. Ef þú manst ekki lykilorð eða notendanafn er hægt að bjarga því með því að velja Gleymt lykilorð eða hafa samband við lifshlaupid@isi.is. Þegar innskráningu er lokið er hægt að hlaða inn bekkjarskrám með Excel-skjal eða handvirkt undir Mínar síður.

Innskráning með Facebook


Farið er í Mínar síður efst í horninu hægra megin á heimasíðunni. Þar er hægt að velja Connect with Facebook og viðkomandi þarf að skrá sig inn í Facebook til að geta lokið innskráningu í Lífshlaupinu. Þá þarf að fylla út upplýsingar þátttakanda og að því loknu ætti allt að vera tilbúið til að skrá hreyfingu eða ganga í lið.

Starfsmanna- og nemendafjöldi

Mikilvægt er að starfsmanna- og nemendafjöldi sé rétt skráður fyrir vinnustaði og skóla. Þannig er tryggt að viðkomandi fyrirtæki eða skóli sé að keppa í réttum fjöldaflokki. Einnig er ekki hægt að skrá fleiri liðsmenn samtals innan fyrirtækis og skóla heldur en skráður heildarfjöldi segir til um. Hægt er að sjá skráðan fjölda undir Staðan á heimasíðunni með því að finna sinn vinnustað eða skóla. Sendið breytingar á fjölda til okkar á lifshlaupid@isi.is og við græjum það í snatri.