Lífshlaupið - landskeppni í hreyfingu hefst 6. febrúar

02.01.2019

Nú styttist í að nýtt lífshlaupsár hefjist. Opnað verður fyrir skráningu miðvikudaginn 23. janúar. Vonandi eru sem flestir farnir að huga að því að stofna lið og hvernig megi hvetja samstarfsfólkið áfram.

Fyrir þá sem ekki vita er Lífshlaupið heilsu- og hvatningarverkefni ÍSÍ sem höfðar til allra aldurshópa og á síðasta ári voru yfir 15 þúsund virkir þátttakendur í samtals um 500 skólum og vinnustöðum. Verkefnið miðar að því að hvetja landsmenn til að huga að daglegri hreyfingu og auka hana eins og kostur er.

Eftirfarandi keppnir eru hluti af Lífshlaupinu: 
Grunnskólakeppni fyrir 15 ára og yngri í tvær vikur í febrúar
Framhaldsskólakeppni fyrir 16 ára og eldri í tvær vikur í febrúar
Vinnustaðakeppni í þrjár vikur í febrúar
Einstaklingskeppni þar sem allir geta tekið þátt og skráð niður sína daglegu hreyfingu allt árið