Keppni lokið 2019

28.02.2019

Þá er vinnustaða- og skólakeppnum Lífshlaupsins lokið og úrslit orðin ljós. Í ár voru 17.138 manns virkir þátttakendur í keppninni í 1.508 liðum. Skráðar voru 15.643.106 hreyfimínútur og 195.789 dagar sem náðu daglegu lágmarksviðmiði.

Hér er hægt að kynna sér öll úrslit keppninnar. Við hvetjum ykkur svo til þess að halda áfram að skrá ykkar hreyfingu inn á vefinn og halda þannig utan um ykkar hreyfingu.

Verðlaun í hverjum flokki er sá vinnustaður sem er með hæsta hlutfall daga en einnig hæsta hlutfall mínútna. Eins og síðan er sett upp þá er raðað eftir hlutfalli daga, en ef þið ýtið á "mínútur" efst á síðunni sem sýnir niðurstöður þá sjái þið röðunina miðað við mínútur. 

Verðlaunaafhending Lífshlaupsins fer fram á morgun föstudaginn 1.mars  kl. 12:10 í sal KSÍ við Laugardalsvöll. Þar bjóðum við alla hjartanlega velkomna. Endilega sendið okkur póst á lifshlaupid@isi.is ef að þið ætlið að mæta.

Við minnum á að hægt er að skoða myndir á Instagram-síðu Lífshlaupsins eða myndir merktar Lífshlaupinu með #lifshlaupid eða #lífshlaupið. Einnig eru myndir hér á heimasíðunni.

ÍSÍ þakkar ykkur fyrir góðar viðtökur og skemmtilegt Lífshlaup 2019. Við minnum á næstu verkefni almenningsíþróttasviðs ÍSÍ 

Hjólað í vinnuna 8. - 28. maí

Þrítugasta Sjóvá Kvennahlaup ÍSÍ 15.júní