Leiðbeiningar fyrir skráningu í vinnustaðakeppni

21.01.2020

Nú styttist í að Lífshlaupið hefjist og hér eru nokkrar gagnlegar upplýsingar um það hvernig þú skráir þig og þinn vinnustað til þátttöku. Fyrir þá sem hafa verið með áður er ofureinfalt að skrá sig til leiks. Farið er í Innskráning - á aðgang og sett inn notendanafn og lykilorð. Þaðan er svo farið í að finna vinnustaðinn og stofna lið ef það er ekki búið að því, eða ganga í lið ef búið er að stofan lið. Þá er hægt að byrja að skrá hreyfinguna sína og "lána" hana vinnustaðnum.

Fyrir þá sem EKKI hafa verið með áður er einnig ofureinfalt að skrá sig til leiks og hér eru gagnlegar leiðbeiningar.

• Þú byrjar á því að fara í Mínar síður uppi í hægra horninu á heimasíðunni og velur Nýskráning - einstaklingur.

• Velur þér notandanafn og lykilorð ásamt því að setja inn netfang og smellir svo á "Stofna aðgang" (Ef þú átt aðgang að Hjólað í vinnuna getur þú notað hann í Lífshlaupinu líka).

 

• Ljúktu við skráningu með því að fylla inn umbeðnar upplýsingar og smelltu á "Klára skráningu og halda áfram".

• Nú getur þú byrjað að skrá hreyfinguna þína. En til þess að taka þátt í vinnustaðakeppninni þarft þú að ganga í lið og þú gerir það með því að smella á flipann "Liðin mín". Þar getur þú gengið í lið sem er búið að stofna á vinnustaðnum þínum eða stofnað nýtt lið og síðan gengið í það. Ef að þú finnur ekki vinnustaðinn þinn getur þú farið í "Stofna vinnustað" og stofnað lið þar og gengið svo í það.

• Þú verður sjálfkrafa liðsstjóri í því liði sem þú stofnar. Þegar fleiri hafa skráð sig í liðið getur þú skráð fleiri sem liðsstjóra en þig.
• Ef þú vilt ganga úr liði sem þú ert liðsstjóri í þarftu að vera búin að setja einhvern annann sem liðsstjóra áður en þú gengur úr liðinu og í nýtt lið.
  Ef þú ert liðsstjóri og skráir liðsmenn inn handvirkt (þ.e.a.s. ef einstaklingurinn stofnar sér ekki sjálfur aðgang og gengur í liðið) þarft þú að sjá um að skrá alla hreyfingu fyrir viðkomandi.

Ef einhver vandkvæði koma upp við nýskráningu eða annað tengt Lífshlaupinu er hægt að hafa samband við okkur á lifshlaupid@isi.is eða í síma 514-4000 og við aðstoðum ykkur með vandamálið.

Gangi ykkur vel og góða skemmtun í Lífshlaupinu 2020!