Verðlaunaafhending á morgun

25.02.2021

ÍSÍ þakkar öllum þeim sem tóku þátt í Lífshlaupinu 2021!

Síðasti dagur Lífshlaupsins 2021 var þann 23. febrúar fyrir vinnustaði en 16. febrúar fyrir skóla. Hægt er að skrá hreyfingu þar til kl. 12:00 í dag og það er því um að gera að drífa í því að skrá alla hreyfingu sem þið eruð ekki búin að setja í kerfið. Hægt er að skoða stöðuna með því að smella hér.

Við hvetjum alla til að halda áfram að hreyfa sig reglulega og hvetja samstarfsfólkið sitt áfram til þess að hreyfa sig. Við minnum á að það er hægt að nýta Lífshlaupssíðuna allt árið um kring til að skrá og halda utan um hreyfinguna sína.

Verðlaunaafhending fer fram í húsnæði ÍSÍ við Engjaveg 6 í Laugardalnum á morgun, föstudaginn 26. febrúar klukkan 11:00 fyrir skólana en klukkan 12:10 fyrir vinnustaðina. Léttar veitingar verða í boði. Þeir vinnustaðir sem eru í verðlaunasætum eru hvattir til þess að senda 1-2 fulltrúa og láta okkur vita á lifshlaupid@isi.is. Við biðjum gesti um að mæta með grímu en spritt verður á staðnum og farið verður eftir öllum sóttvarnarreglum.

ÍSÍ þakkar samstarfsaðilum Lífshlaupsins fyrir stuðninginn en þeir eru Advania, Rás 2 og MS
Við þökkum einnig Skautahöllinni, Klifurhúsinu, World Class, Primal Iceland,Lemon og Ávaxtabílnum fyrir að gjafmildina í skráningar og myndaleik Lífshlaupsins