Enn hægt að skrá sig til leiks!

09.02.2022

Vonandi gengur ykkur vel í Lífshlaupinu 2022 og gaman að vita að það er skemmtileg keppni í gangi á mörgum vinnustöðum og skólum. Okkur langar að minna á að enn er hægt að skrá sig til leiks hvort sem það er í vinnustaðakeppnina eða grunnskólakeppnina.

Okkur langar að minna á að enn er hægt að skrá sig til leiks í Lífshlaupið 2022, hvort sem það er í vinnustaðakeppnina eða grunnskólakeppnina. Við hvetjum alla til að skrá sig til leiks (og hvetja þá sem ekki eru skráði til leiks að gera það) þar sem hægt að skrá hreyfingu aftur í tímann frá upphafi keppninnar. Endilega minnið samstarfsfólkið á að skrá inn alla hreyfinguna sína.

Til upprifjunar:

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlugserfiða hreyfingu í minnst 30 mínútur daglega.
Við skulum hafa í huga að hreyfingin er aðalmálið og keppnin aðeins skemmtileg viðbót.

VINNUSTAÐAKEPPNIN fer fram frá 2. febrúar – 22. febrúar fyrir 16 ára og eldri. Aldrei er of seint að skrá sig til leiks og hægt er að skrá hreyfinguna sína frá upphafi, 2. febrúar.

Minnum á skráningarleikinn en í honum er til mikils að vinna. Grunn- og framhaldsskólakeppninni fá heppnir þátttakendur glæsilega vinninga frá Mjólkursamsölunni. Í vinnustaðakeppninni fá heppnir þátttakendur ávaxtabakka frá Ávaxtabílnum.Vinningshafar eru dregnir út á hverjum virkum degi í þættinum Morgunverkin á Rás 2 frá 2. febrúar til 22. febrúar. 

GRUNNSKÓLA- OG FRAMHALSSKÓLAKEPPNIN fer fram frá 2. febrúar – 15. febrúar.

Eins og ávallt hvetjum við alla skóla og nemendur til þess að taka þátt í skólahluta Lífshlaupsins og er það von okkar að þetta verkefni skapi skemmtilega stemningu og auki félagsandann í skólanum.

Vinningshafar í skráningar sem og myndaleik eru settir inn á heimasíðu Lífshlaupsins undir vinninghafar 

Ef þið hafið einhverjar spurningar ekki hika við að hafa samband á lifshlaupid@isi.is