Lífshlaupið er í fullu gangi

15.02.2024

Lífshlaupið 2024 gengur vel og skemmtileg keppni í gangi á mörgum vinnustöðum og skólum. Það er enn hægt að skrá nýja liðsmenn inn, hvort sem það er í vinnustaðakeppnina, hreystihópum 67+ eða skólakeppnnum.

Við hvetjum alla til að vera með. Það er hægt að skrá hreyfingu aftur í tímann, eða frá 7. febrúar. Endilega minnið samstarfsfólkið á að skrá inn alla hreyfinguna sína.

Til upprifjunar:

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum embættis landlæknis um hreyfingu hvort sem er í frítíma, vinnu, skóla eða við val á ferðamáta. Í Lífshlaupinu þurfa börn og unglingar að hreyfa sig í minnst 60 mínútur daglega og fullorðnir að stunda miðlugserfiða hreyfingu í minnst 30 mínútur daglega.
Við skulum hafa í huga að hreyfingin er aðalmálið og keppnin aðeins skemmtileg viðbót.

Skráningarleikurinn er í fullum gangi. Í Grunn- og framhaldsskólakeppninni fá heppnir þátttakendur glæsilega vinninga frá Mjólkursamsölunni. Í vinnustaðakeppninni/hreystihópum 67+ fá heppnir þátttakendur gjafabréf frá Móður Náttúru.
Vinningshafar eru dregnir út á hverjum virkum degi í þættinum Hjartagosa á Rás2 frá 7. febrúar til 27. febrúar.

Eins og ávallt hvetjum við alla skóla og nemendur til þess að taka þátt í skólahluta Lífshlaupsins, þetta verkefni skapar skemmtilega stemmingu og eykur félagsandann í skólanum.

Vinningshafar í skráningar sem og myndaleik eru settir inn á heimasíðu Lífshlaupsins undir vinninghafar

Ef þið hafið einhverjar spurningar ekki hika við að hafa samband á lifshlaupid@isi.is

Myndin var send inn í Lífshlaupið af Ingu Hrönn hjá Lyfjastofnun