Lífshlaupinu er lokið

27.02.2025

Lífshlaupinu lauk formlega 25. febrúar sl. en verðlaunaafhending í verkefninu fer fram í Íþróttamiðstöðinni í Laugardal á morgun, föstudaginn 28. febrúar og hefst kl.12:10.

Veitt eru verðlaun fyrir 1. 2. og 3. sætið (hlutfall daga og mínútna) í öllum flokkum, en verðlaunaafhendingin er í fundarsölum B og C, 3. hæð. Engjavegi 6, 104 Reykjavík.
Súpa í boði.

Þeir aðilar sem ætla að koma og taka við verðlaunum fyrir sitt fyrirtæki eru vinsamlegast beðnir að láta vita með mætingu og c.a fjölda á netfangið lifshlaupid@isi.is 
Ef enginn kemur og tekur við, verða verðlaun send með pósti.

Um 13% fjölgun var á þátttöku í Lífshlaupinu frá síðasta ári, en 18.606  tóku þátt í ár, samanborið við 16.475 í fyrra. Sama hlutfallslega fjölgunin var í mínútum, dögum og fjölda liða. Þátttaka grunn- og framhaldsskóla tók við sér í ár samanborið við síðasta ár en 23 grunnskólar tóku þátt í ár, en 19 í fyrra. Í ár tóku átta framhaldsskólar þátt í stað sex árið 2024.

Vinnustöðum var eins og áður skipt í flokka eftir fjölda starfsmanna og í ár tóku 492 vinnustaðir þátt í Lífshlaupinu sem voru heldur færri vinnustaðir en 2024 en þá voru 505 vinnustaðir skráðir til leiks. Einnig var þátttaka í Hreystihópum 67+ heldur minni í ár en í fyrra.

ÍSÍ þakkar þátttakendum kærlega fyrir að vera með og setja hreyfinguna í öndvegi. Styrktaraðilum eru færðar kærar þakkir fyrir þeirra framlag en þeir eru: Dagný & Co, Mjólkursamsalan, Lemon, Primal Iceland, Skautahöllin í Laugardal, Klifurhúsið og Unbroken. Morgunverkin á Rás 2 fá einnig miklar þakkir fyrir frábært samstarf. Úrslit í einstökum flokkum verða kunngjörð á morgun.

Ljósmynd: Inga Hrönn/Lyfjastofnun