Afhending verðlaunaplatta

Verðlaunaafhending Lífshlaupsins var haldin í Íþróttamiðstöðinni í Laugardal 3. mars sl. og þar voru nokkur fyrirtæki, hreystihópar og skólar í fyrsti þremur sætunum sem áttu ekki heimantengt. Starfsfólk ÍSÍ og svæðafulltrúar ÍSÍ og UMFÍ afhentu verðlaunaplatta þar sem hægt var.
Á Akureyri afhenti Viðar Sigurjónsson, sérfræðingur á stjórnsýslusviði ÍSÍ Giljaskóla og Þelamerkuskóla sína verðlaunaplatta. Nokkrir plattar bíða afhendingar en það verður gert um leiog færi gefst. 
Á Austurlandi afhenti Jóhanna Íris Ingólfsdóttir, svæðafulltrúi, starfsfólki Horn, raf- og vélaverkstæðis sinn verðlaunaplatta og framkvæmdastjóri Einherja tók plattann fyrir grunnskólann á Vopnafirði þegar hann mætti á Raddir ungs fólks á Egilsstöðum.
Nokkur fyrirtæki í Reykjavík fengu afhenta verðlaunaplatta frá Lindu Laufdal og Hansínu Þóru Gunnarsdóttur, sérfræðingum á fræðslu- og almenningsíþróttasviði ÍSÍ. Þær afhentu Landsbankanum, Vínbúðinni-ÁTVR, Heilsugæslu höfuðborgarsvæðisins og Gló stuðningsfélag.
Landsmenn hafa tekið Lífshlaupinu fagnandi, og verkefnið hefur hvatt þúsundir til aukinnar hreyfingar. Lífshlaupið er með sanni eitt áhrifamesta hreyfiverkefni landsins, þar sem landsmenn taka virkan þátt og verkefnið stuðlar að bættri heilsu um allt land.
Hér má sjá úrslit 2026 https://lifshlaupid.is/stadan/
Hér má einnig sjá vinningshafa í skráningar og myndaleik Lífshlaupsins. Endilega nálgist vinninga fyrir 1. maí 2026 https://lifshlaupid.is/lifshlaupid/vinningshafar/
ÍSÍ óskar öllum verðlaunahöfum innilega til hamingju!