Yfirfara skráningu á fjölda starfsmanna og nemenda
02.02.2018Mikilvægt er að starfsmanna- og nemendafjöldi sé rétt skráður fyrir vinnustaði og grunn- og framhaldsskóla. Þannig er tryggt að viðkomandi fyrirtæki eða skóli sé að keppa í réttum fjöldaflokki. Einnig er ekki hægt að skrá fleiri liðsmenn samtals innan fyrirtækis og skóla heldur en skráður heildarfjöldi segir til um.
Við óskum eftir því að breytingar á fjölda séu sendar til okkar á lifshlaupid@isi.is og við græjum það í snatri.
Því er um að gera að athuga með skráðan starfsmanna- eða nemendafjölda til að tryggja að hann sé örugglega réttur. Upplýsingar um fjöldann sem er skráður má sjá með því að smella á fyrirtækið undir Staðan í vinnustaðakeppni velja Sjá alla vinnustaði og finna sinn vinnustað og smella á hann.
Sama gildir um skólana þar sem farið er í Staðan undir grunnskóla- eða framhaldsskólakeppnum og valið Sjá alla skóla og finna sinn skóla og smella á hann.
Þegar búið er að finna vinnustaðinn og smellt er á nafnið þá birtast upplýsingarnar efst eins og sést á myndinni hér fyrir neðan.