Opnunarhátíð Lífshlaupsins 2019 fór fram í Breiðholtsskóla í morgun. Mikil gleði ríkti í íþróttahúsinu þar sem nemendur skólans og aðrir góður gestir voru saman komin. Heiðursgestirnir Lilja Alfreðsdóttir, mennta- og menningamálaráðherra, Dóra Björt Guðjónsdóttir forseti borgarstjórnar og Garðar Svansson, formaður Almenningsíþróttasviðs ávörpuðu gesti ásamt Ástu Bjarney Elíasdóttur skólastjóra Breiðholtsskóla.

Lífshlaupið - landskeppni í hreyfingu hefst á morgun, miðvikudaginn 6. febrúar. Setningarhátíðin verður að þessu sinni haldin í Breiðholtsskóla þar sem þær Lilja Alfreðsdóttir, mennta- og menningarmálaráðherra og Dóra Björt Guðjónsdóttir, forseti borgarstjórnar munu etja kappi í Lífshlaupshreystibraut ásamt því að flytja stutt ávörp.

Nú er skráning fyrir Lífshlaupið í fullum gangi. Margir hafa velt því fyrir sér hvernig keppnin fer fram, hvernig reglurnar eru og hvernig maður skráir sig. ​